Pauerliftinq və benç press üzrə kişilər və qadınlar arasında Azərbaycan 🇦🇿 çempionatı keçirilib. Fevralın 28-dən martın 2-dək davam edən yarışda 100-dən çox idmançı medallar uğrunda mübarizə aparıb.

Naxçıvandan olan titullu idmançı Əli Əsgərov 93 kq çəki dərəcəsində çıxış edib. Atletimiz bu dəfə ikinci yerlə kifayətlənməli olub. O, 183 kq nəticə ilə yarışı gümüş medalla tamamlayıb.

Məlumat üçün bildirək ki, Əli Əsgərov güc idman növləri üzrə (benç press) dünya, Avropa, Avrasiya, Azərbaycan çempionluğu və bir çox ölkə və dünya səviyyəli yarışların qalib və mükafatçısıdır.